LAWAS NOTANG DO

Melik rebu mara intan
Na sangkala adal subu
Ayi mataku notang do

Muntu kuanganmo andi
Nasipmo kubonga bintang
We bulan satemung mata

Berat tu peram panotang
Kapeno renduk basungu
Narang le muris parana

Berat kubalin panotang
Mangan nginem nomo nyaman
Ngantok konang no lap mata

Berat ampa do ke andi
Mara kuang totang kembo
Ngangkal satumpu tin balit